50-a Kongreso de ILEI

15-22 julio, Busano, Korea Respubliko

“Edukado al respektoplena turismo”

Aliĝis 196, partoprenis 170 kongresanoj el 21 landoj

LA KONGRESO. Alvenis 170; inter ili 20 unutagaj vizitantoj. La kialo estas la streĉita politika situacio tutmonda, kun du ŝtatestroj aparte ne antaŭvideblaj. Pro tio kelkaj personoj rezignis kaj aliaj ne ricevis vizon. Ni menciu aparte la klason de Neĝeta el Ĉinio, grupon de 15 infanoj, por kiuj ni planis la infanan universitaton, kiu finfine ne okazis. Okafrikanoj aliĝis kaj ne povis veni. Talenta junulo el Filipinoj same ne ricevis vizon. Finfine alvenis finna kolego, argentina junulo kaj vjetnama junulino.

La vojaĝo por la partoprenantoj kaj ĉefe por neazianoj estis longa kaj kosta. Pro tio ili volis mal kovri la regionon kaj multe ekskursis. Tion oni bone povas kompreni. Ĉu pro la fakto, ke la temo estis turismo, la kongresanoj pli turismumis ol kongresumis…

La junulargastejo ARPINA, dek-etaĝa plej moderna konstruaĵo, ebligis komunan restadon tage kaj nokte. Tio estis tre favora situacio kaj stimulis bonan etoson. La ĉambroj estis tre komfortaj, eĉ luksaj. La uzo de la tegmenta etaĝo oka, faris deni okulojn. Tie estis eĉ surtegmenta teraso kun belega elvido al la maro; la kuraĝuloj iris tien kaj devis elteni la varmecon kaj humidecon. Ni havis 3-4 salonojn, larĝan koridoron por la libroservo, la akceptejo, la kaso kaj koridoraj babiladoj. Unu granda salono kun eblo dividiĝi en du ricevis la nomon de la forpasinta Lee Chong Yeong, fama korea esperantisto. Du novaj programeroj aperis en tiu ĉi kongreso.

La unua estas la Pedagogia Foiro. Laŭ la ĉeestantaj estraranoj ĝi estis sukcesa. Ses prelegoj okazis kaj donis la okazon al certaj personoj prezenti instrumaterialon, vortaron, novan lernolibron, la projekton “Unu leciono pri Esperanto por ĉiu lernejano”.

La dua estas la Literatura Kafejo. En tiu programero Mireille Grosjean prezentis du svisajn librojn, kiuj estis tradukitaj al Esperanto: Sonoril’ Urĉjo, (de Chönz teksto kaj Carigiet bildoj) kies originalo estas en la romanĉa lingvo, kaj La Birdo, de Eveline Porter, kiu aperis en dulingva eldono: angla kaj Esperanto. La originalo estas en la franca. La dua Literatura Kafejo estis en la manoj de s-ro Rob Moerbeek; li prezentis verkon de Frederik van Eeden.

KURSOJ KAJ PRELEGOJ. Kurso por komencantoj sub la gvido de Annie Grente. Kurso por progresantoj sub la gvido de Sylvain Lelarge. La Ins-truista Trejnado, grava parto de tia kongreso, estis en la lertaj manoj de Katalin Kovats. Ok personoj sukcese frekventis ĉiujn partojn de tiu lertigado kaj ricevos atestilon. La gvidantoj ricevu niajn elkorajn dankojn.

Prelegoj okazis kaj konsistigis la paralelan programon, por tiuj kongresanoj, kiuj ne membras en la Komitato nek volas partopreni la supre mencii-tajn kursojn. La Komitato kunsidis kaj atingis kvorumon danke al reta voĉdono antaŭa, kiu donis permeson al iuj komitatanoj anstataŭi komitatanojn de aliaj sekcioj.

De la estraro ĉeestis la prezidanto, la vic-prezidanto kaj la vic-sekretario, nur 3 membroj, 3 virinoj. La Komitato elektis du novajn Honorajn Mem- brojn, nome la forpasintan Paul Gubbins, el Britio kaj Hu Guozhu, el Ĉinio. La Komitato aprobis la agadraporton kaj la financan raporton kaj farante tion malŝarĝigas la Estraron. Vigla diskuto okazis pri printado kaj sendo de nia organo Internacia Pedagogia Revuo (IPR) kaj Juna Amiko (JA). Gravaj decidoj okazis, kiuj devus kontentigi ni ajn membrojn kaj altigi la nombron de JA-abonantoj. Nia ĉiujara evento fariĝas ĉiam pli riĉa, ĝia enhavo kreskas kaj variiĝas. La nombro de partoprenantoj daŭre kreskas.

Tra la “Jaro de la lernanto” ILEI klopodis montri la gravecon de respondeca lernado de la studento kaj nova akompana rolo de la instruisto. En Busano ni aŭdis la vortojn “instigo” kaj “emocioj”. La kunvivado de instruisto kaj de studentoj-lernantoj ankaŭ havas tiajn flankojn, al kiuj ni devas meti nian atenton. Instigo estas pli delikata nocio ol sugesto aŭ propono, sen paroli pri peto, postulo, devigo. Instigi estas montri per siaj propraj agoj, kio povas efiki kiel sugesto al aliaj. Povas esti flustrado de ideoj, faktoj, konstatoj. Emocioj ludas rolon en la rilato inter la instruisto kaj la lernanto; oni ŝatas la personecon aŭ ne ŝatas, oni ĝojas aŭdante amuzajn faktojn, la sindona instruado post bona preparado, adekvata komunikado en         respektoplena etoso vekas admiron kaj pozitivan senton. Mi ne aŭdis ian plendon. Mi mem vidis kelkajn paneetojn. Certe oni povas altigi la nivelon de la organizado. Sed ĝenerale ĉio disvolviĝis bone kaj kontentige. Por multaj kongresanoj tiu sperto esti en internacia renkontiĝo estis la unua. Ili esprimis sin tre pozitive pri tiu grava travivaĵo.

Resumis el raporto de Mireille Grosjean (CH):

Alberto F.  Calienes

© Publicaciones / Sitio de la cultura esperantista en Cuba / PUERTO PRÍNCIPE esperanto.cu