KEATUR / Esperantotur Kubo (3)

LA PLEJ BELA LANDO KUBO

 CENTRA  REGIONO

 

 

Camagüey

Fondita en 1514 sub la nomo “Sankta María de Puerto Príncipe”, la nuntempa urbo situas en la tria loko enlande, laŭ ĝia loĝantaro.

De la Kolonia epoko estas ventroformaj akvujoj faritaj el terakoto, kaj nomataj en la hispana “Tinajones”. Tial oni  diras: Camagüey, la urbo de “tinajones”. Promenante tra la historia centro de la urbo, oni povas vidi: naskiĝaj domoj de Ignacio Agramonte kaj de Nicolás Guillén, la Urbodomo, la Palaco de Tribunaloj, la Bulvardo en la strato República, la Ĝenerala Tombejo, ktp. Camagüey havas la plej grandan parkon en Kubo interne de urbo, kaj ĝi nomiĝas Casino Campestre. Malproksime de la urbo estas du bonegaj turismejoj: la kampara loko “Las Clavellinas”; kaj la plaĝo “Santa Lucia”, sur la norda marbordo. Tiu ĉi plaĝo estas tre interesa pro ĝia baro de koralaj rifoj.

 

 Villa Clara

Ĝia ĉefurbo, nomata Santa Clara, estis fondita  en la fino de la XVII-a jarcento, kaj enhavas aron da interesaj konstruaĵoj de la kolonia epoko. Inter ili tre gravas: la katedralo, la muzeo pri artoj, la preĝejo “ Buen Viaje” (Bona Vojaĝo), la parko nomata “Leoncio Vidal” kaj la urbodomo. Pli aktualaj estas: Placo de la Revolucio, kun la monumento honore al Komandanto Ernesto “ Che Guevara”; kaj la monumento pri la blenda trajno, plus diversaj turismejoj. En la urbeto Santo Domingo oni trovas la preĝejon kun publika horloĝo ĉe la turo, kaj ankaŭ la Specialan Lernejon por Handikapuloj. Tiu ĉi urbo havas muzeon kaj eblas promenado tra la stratoj per ĉevalĉaro kiu inkludas trairi la ponton Lambada sur la rivero Sagua.

  

Cienfuegos

Tre bela ĝia ĉefurbo, pro tio alnomata Suda Perlo, fondita en 1819. Grava turismejo, la plej interesaj lokoj: longa promenejo konata kiel “El Prado”; parko  “Martí”, en la historia centro, kun teatro “Terry” kaj katedralo; la provincia muzeo; la tombejo “Acea”. Ankaŭ tre gravas: plaĝo “Rancho Luna”, hoteloj “Jagua” kaj “Pasacaballos”, kaj malnova kasteleto apud la maro, nomata “Jagua”.

Sancti Spíritus

La urbo Trinidad apartenas al la provinco Sancti Spíritus. Ĝi estas nacia monumento en Kubo; sed ankaŭ deklarita, far de UNESKO, kiel Heredaĵo de la Homaro. Fondita de hispanaj konkerintoj en 1514, la tuta urbo estas kvazaŭ tre granda muzeo. Ankoraŭ tie restas ne malmultaj domoj el forpasintaj generacioj, kia estas la tiel nomata “Palaco Brunet”. Ekzistas muzeo de arkeologio, pri ostoj kaj objektoj de kubaj indianoj; la romantika muzeo; kaj la muzeo pri naturaj sciencoj “Alejandro de Humboldt”. Interesplena ejo estas iu loko for de la urbo, nomata “Valle de los Ingenios” (Valo de sukerfarejoj). Tie ĉi videblas la restaĵoj de prokimume kvardek sukerfarejoj, de la epoko kiam aro da sklavoj estis ilia laborforto.

KEATUR / Esperantotur Kubo (2)

LA PLEJ BELA LANDO KUBO

 ORIENTA  REGIONO

 Santiago de Cuba

La dua plej grava urbo en Kubo, fondita en 1517. Inter  multaj lokoj vizitindaj estas: preĝejo en la proksima vilaĝo El Cobre (La Kupro) kie troviĝas la originala statueto de la Virgulino de la Karitato de l´ Kupro, patronino de Kubo.

En la historia centro de la urbo estas Muzeo “Bacardí”; la naskiĝa domo de Antonio Maceo kaj kazerno “Moncada”. Pri turismejoj ne mallongas ilia listo. En la ĉirkaŭo de l´urbo troviĝas: naturparko “Baconao”, kastelo “El Morro”, farmobieno “Siboney”; kaj plaĝoj “Marverde”, “Caletón Blanco”, “El Francés”, “Siboney”, ktp.

 

Granma

La ĉefurbo de tiu ĉi provinco estas Bayamo, fondita en 1513. Certe kiam Bayamo eniras en la historion de Kubo okazis en 1868, ĉar ĝi estis la unua urbo okupita de la sendependigaj batalintoj komanditaj de Carlos Manuel de Céspedes. Tial en Bayamo ekzistas multaj interesaj lokoj kiaj: la historia muzeo; la naskiĝa domo de Céspedes; la obelisto honore al poeto José Joaquin Palma; la Domo de Kuba Nacieco; la Domo de la Trobadoreska Muziko de Kubanoj; kaj la tiel nomata “Fenestro de Luz Vázquez”, memoriga ejo omaĝe al la virino kiu inspiris la famkonatan kanzonon “La Bayamesa”. Je 72 kilometroj de Bayamo situas la urbo Manzanillo, apud la maro. Tre alligita estis la enloĝantoj al batalado por la sendependiĝo de kubo. Proksime de Manzanillo estas la ruinoj de estinta  sukerfabriko “La Demajagua”, kiu apartenis al Céspedes kaj tie li komencis bataladon. Manzanillo ankaŭ estas famkonata pro ĝia populara muziko de  nomo “Son”, ludata per la speciala muzikilo “orienta orgeno”. Kaj fine en la sama provinco oni ne povas prisilenti mencion al municipo Guisa (Gisa). Ĉi tie troviĝas botanika ĝardeno kaj monumentoj omaĝe al eventoj de batalado pro libereco  de Kubo. Vizitinda estas “Mirador” (Verando) de Guisa monto de kie belegaj pejzaĝoj aperas ankaŭ la rigardoj de turistoj.

 

Guantánamo

La ĉefurbo egalnoma troviĝas je 86 kilometroj oriente de urbo Santiago de Cuba. En ĝia interno indas: la municipa muzeo , la Palaco pri Baroka Arto, la Parko de Kosmonaŭtiko kaj diversaj monumentoj historiaj. En la municipo Yateras, ĉirkaŭita  de belegaj vidindaĵoj, situas la Zoologia Parko, sed kun neniaj bestoj vivantaj. Ŝtonaj figuroj de bestoj vivintaj antaŭ pluraj milionoj da jaroj kun korpoj gigantaj. Kiam ilia ekzistado ĉesis ankoraŭ homoj estis aperontaj sur la tero. Post veturado tra ŝoseo, elirinte el Guantánamo norden, oni alvenas fine al Baracoa. Ĝi troviĝas je 160 kilometroj de la ĉefurbo, fondita en 1511, kaj estas la plej malnova urbo en Kubo. Inter la interesaj lokoj, du montoj: “Loma de la Farola” (monteto de l´Lanterno) kaj “Yunque de Baracoa” (Amboso de Barakoa). Ĉi tiu lasta havas alton po 530 metroj super la marnivelo.

Las Tunas

Alnomata kiel “Urbo Fenikso”, ĉar trifoje ĝi renaskiĝis el siaj cindroj, estas la ĉefurbo de provinco Las Tunas. Dum la sendependigaj militoj ĝiaj defendintoj preferís bruligi la urbon ol  transdoni ĝin al hispanoj. Fondita en 1796, Las Tunas ricevis la titolon vilaĝo en 1853. Aro da statuoj de famaj batalintoj por la liberigo de Kubo plibeligas la nunan urbon. Marŝante tra la stratoj de la historia centro, oni eksentas la nevideblan ĉeeston de unu el la elstaraj poetoj de Kubo, li naskiĝis en Las Tunas: Juan Cristóbal Nápoles Fajardo.

 

Holguín

Tiu ĉi nomo devenas de iu hispana konkerinto: García Holguín, kiu en 1525 fondis la vilaĝon nuntempe ĉefurbo de la provinco. Estas vidindaj: Provinca Muzeo, Naskiĝa Domo de Generalo Calixto García Iñiguez, Muzeo pri Natura Historio kaj “Loma de la Cruz” (Monteto de Kruco). Tiun altaĵon oni supreniras  per 465 ŝtupoj ĝis la pinto mem. La kruco estas lokita tie en 1870, pro iniciatemo de monako franciskano Ambrosio de Alegría.

En la nordo de la provinco troviĝas bonega turismejo: bela plaĝo “Guardalavaca”, kiu estas tri kilometrojn longa kaj aspektas  kvazaŭ hufofero, ĉirkaŭita de palmoj kaj tropikaj floroj.

 

KEATUR / Kubo Esperantotur (O.R.)

LA PLEJ BELA LANDO EN KUBO

  OKCIDENTA  REGIONO

 

Pinar del Rio

La plej okcidenta provinco de Kubo, fondita en jaro 1878. En ĝia territorio troviĝas mirindaj lokoj. Tie oni povas viŭiti la turisman komunumon “Las terrazas” (La Terasoj) kaj la kamparadon lokon “Soroa”, kie videblas granda kolekto de diversaj klasoj de orkideoj. Tre belega estas la valo nomata “Viñales”, kaj ĝiaj montetoj similaj al kasteletoj.

Dum promenado tra la ĉefurbo oni povas viŭiti la fabrikon de drinkaĵonomata “Guaĝabita del Pinar” kaj ankaŭ cigarfabrikon.

 

Havana Urbo

Jam ĉirkaŭita de murego kiu ĝin konturis kaj defendis de pirataj atakoj, urbo Havano superverŝis la ŝtonan limon kaj hodiaŭ estas moderna ĉefurbo. Fondita en jaro 1515, urbo Havano estas nuntempe la ĉefurbo de Respubliko Kubo. Ĝi posedas multe da interesaj lokoj por turistoj, kiaj Placo de la Revolucio, Kapitolo, kvartalo malnova Havano, la Tombejo “Kolumbo”, diversaj muŭeoj, ktp.

 

 

Havano

Kvazaŭ iaspeca ventumilo etendiĝas la territorio de provinco Havano ĉirkaŭ la areo okupata  de la Kuba ĉefurbo. Ĝia reliefo preŭentas ebenan kaj fekundan grundon en la en la suda parto, kie troviĝas multenombraj putoj kiuj ĉerpas la akvon necesan por irigacio de vastaj terenoj kultivataj, kaj ankaŭ liveri tiun valoran liktivataj, kaj ankaŭ liveri tiun valoran likvaĵon al Havano Urbo. Bejucal estis la unuan  vilaĝo, fondita en jaro 1714 sub la nomo Vilaĝo de San Felipe kaj Santiago de Bejucal. En tiu ĉi loko ankoraŭ troviĝas malnovaj domoj konstruitaj per brinkoj tranĉitaj el ŝtonminoj, kaj kun kanelitaj tegmentoj. Inter Bejucal kaj ĉefurbo Havano etendiĝas la unua fervojo konstruita en Kubo kaj inaŭgurita en jaro 1837.

 

Junulara  Insulo

Eltrovita de Kristoforo kolumbo en la jaro 1493,dum sia dua vojaĝo al Ameriko, li nomis ĝin Evangeliisto. La ĉefurbeto de la Junulara Insulo estas Nueva Gerona, fondita en 1830 kun la nomo “Reina Amalia”. La ĉefaj lokoj interesaj: plaĝo “Bibijagua”, kun nigraj sabloj, muzeo “El Abra”, kie loĝis José Martí en 1870; muzeo pri naturaj sciencoj; la estinta prizono “Modelo”; la bredejo de krokodiloj; la turisma loko “ Cayo Largo” (Longa Insuleto); ktp.

Matanzas

En jaro 1693 fondita de 30 familioj alvenitaj el Kanariaj Insuloj, en sama loko kie dum tempo forpasinta situis la indiĝena vilaĝeto “Yucayo” (Jukajo). Tre grava konstruaĵo en urbo Matanzas estas teatro “Sauto”, inaŭgurita en 1863. Alia ejo plena de intereso: La Farmacia Muzeo en domo de la estinta Apoteko “La Francesa”. Tie oni povas vidi riĉan kolekton da: porcelanaj boteloj kaj diversaj ujoj kaj iloj de malnovaj apotekistoj. Estas dirite, ke ne ekzistas alia muzeo simila en Latinameriko. Kaj en Varadero oni trovas plaĝon, kun sabloj fajnaj kaj blankaj. Ĝi etendiĝas tra pli ol dudek kilometroj, apud maro de varmaj kaj bluaj akvoj. Sportamaj turistoj povas ĝui golfludon, tenison, naĝon,ktp. Krome en Varadero estas haveblaj diversaj servoj publikaj, Kiaj: hoteloj, restoracioj, internacia flughaveno, muzeo, butikoj, kinejoj, ktp.